അമ്മയുടെ ഉന്മാദത്തിന്‍റെ ഭീതിദമായ രാത്രികളില്‍ ഉറക്കമില്ലാതെ നെഞ്ചിടിപ്പോടെ ഞങ്ങള്‍ നേരം വെളുപ്പിച്ചിട്ടുണ്ട്.ബഹളമയമാണ് രാത്രി .തെറികളുടെ അഭിഷേകമുണ്ട്‌.അകാലമൃത്യുപൂണ്ട അമ്മൂമ്മയുടെ പരകായപ്രവേശമുണ്ട്.പടിഞ്ഞാറെ മുറി അടച്ചു തുറക്കുമ്പോള്‍ പുറത്തേക്കുവരുന്നത്‌ അമ്മ ആയിരിക്കില്ല .മറ്റൊരു ഭാവം .മറ്റൊരു രൂപം .മറ്റൊരു സംസാരം .അമ്മേ......എന്നു വിളിച്ചാല്‍ ...പോടാ ...പട്ടീ ...എന്നു മറുപടി വരും .അടുക്കള പുകയില്ല .ഇരുട്ടായാല്‍ മുറികളില്‍ ബള്‍ബ് കത്തിക്കില്ല.പൂജാമുറിയില്‍ നിലവിളക്ക് കത്തിച്ച് മണിയടിക്കൊപ്പം ഉച്ചത്തില്‍ നാമം ജപിക്കുന്ന ഭീകരിയായ ഒരു ഭക്തയായി ,ഈശ്വരരൂപത്തില്‍ പാതിയടഞ്ഞ മിഴികളുമായി അമ്മ ഇരിക്കും .തണുപ്പും ഇരുട്ടും ഭയവും നിശ്ശബ്ദതയും ആക്രോശങ്ങളും അവിചാരിതമായി സമ്മാനിച്ചിരുന്ന ആ വീട് ഇന്നൊരു ഓര്‍മ്മച്ചിത്രമാണ്.എന്നെ പരുവപ്പെടുത്തിയ ആ വീട്ടകത്തിന് നന്ദി .
No comments:
Post a Comment