കയ്യാല 2
അന്നൊക്കെ ഞങ്ങളുടെ നാട്ടിന്പുറത്ത് പുരയിടത്തിന് അതിര് കയ്യാല ആയിരുന്നു.മണ്ണ് കോരിക്കോരി മുകളിലായി പണിക്കാര് പൊത്തുന്ന ദിവസം വീട്ടില് കഞ്ഞിയും എരുശ്ശേരിക്കറിയും ഉണ്ടാവും.ചാണാക്കൊട്ടയും കുന്താലിയും മമ്മട്ടിയുമാണ് പണിക്കാരുടെ സഹായികള്.ചതച്ചതൊണ്ടില് വെള്ളം തെറ്റിച്ച് നിലംതല്ലി കൊണ്ടടിച്ചു ബലമിപ്പിച്ച് അവര് അതിനെ മിനുസപ്പെടുത്തും.അതിന്റെ മുകളിലൂടെ ഞങ്ങള് കുട്ടികള് ഹൈജമ്പ് ചാടിയിരുന്നു.അതിന്റെ മറവിലൂടെ ഞങ്ങള് പത്തിരിപ്പ് കളിച്ചിരുന്നു.ഇന്നങ്ങനെ കയ്യാലപ്പണിയില്ല.നാട്ടിലിപ്പോള് പന്നേലി,പെരുച്ചാഴി,പാമ്പ് ഇത്യാദി ജീവികളെയും കൈത,കാശാവ്,ഉപ്പനച്ചം ഇത്യാദി സസ്യജാലങ്ങളെയും കാണാനില്ല.ഈ വന്നകാലത്ത് ആരെങ്കിലുംഅറിഞ്ഞിരുന്നോണ്ട് മണ്ണ് കൂട്ടി വെക്കുമോ? "കയ്യാലപ്പുറത്തെ തേങ്ങ "എന്നൊരു പഴംചൊല്ല് ഉണ്ടായത് അതിനൊരു സ്മാരകമാകുമെന്ന് കരുതാം.