പ്രവേശനോല്‍സവം
മധ്യവേനലവിധിക്ക് അധ്യാപകര്‍ വീട് കയറിഇറങ്ങാറുണ്ട്‌.കുട്ടികളെ തങ്ങളുടെസ്കൂളിലേക്ക് ക്ഷണിക്കാനാണ്.കുടയുംപുസ്തകങ്ങളുംബാഗുംഫ്രീ ഗിഫ്റ്റുകളാണ്.വാന്‍ഫീസുംചിലപ്പോള്‍ ഫ്രീയായേക്കും.കരയോഗങ്ങളുടെയുംഅമ്പലങ്ങളുടെയുംകുടുംബയോഗങ്ങളിലെയും നിറസാന്നിധ്യമായ ചില അധ്യാപകരും (ഇതില്‍ ലിംഗവ്യത്യാസമില്ല.ആണുംപെണ്ണുംഉള്‍പ്പെടും.)ക്ലാര്‍ക്കുമാരുമുണ്ട്.ഇവര്‍ വ്യക്തമായ ജാതി-മത-വര്‍ഗവിഭാഗങ്ങളുടെ വ്യക്താക്കളാണെങ്കിലും കുട്ടികളെ ക്യാന്‍വാസ്‌ചെയ്യുമ്പോള്‍,പെട്ടെന്ന് ചിലയിടങ്ങളില്‍ മതേതരവാദിയായിമാറുന്നു.ശരിക്കുംഓന്ത്. ബി.പി.എല്‍കുടുംബങ്ങളിലും അതിനുതാഴെയുള്ള പട്ടിണിപ്പാവങ്ങളിലും ഇവര്‍ വല്ലാതെ വിദ്യാഭ്യാസത്തെക്കുറിച്ചുപറഞ്ഞ് ഇടപെട്ടുകളയും.ജൂണിലെപ്രവേശനോല്‍സവം കഴിയുമ്പോഴേക്കും ഇവരുടെതനിനിറം കാണാന്‍തുടങ്ങും.
ക്ലാസ്ഡിവിഷന്‍തിരിച്ച് കുട്ടികളെ ഇരുത്തുന്നതില്‍ സോഷ്യല്‍
സ്റ്റാറ്റസ്എടുത്തിടും.ചിലകുട്ടികള്‍ക്ക് തീരെ സ്റ്റാന്‍ഡേര്‍ഡ് ഇല്ലന്നു പറഞ്ഞ് കളയും.അക്ഷരമറിയില്ല,ബുക്ക്‌സൂക്ഷിക്കത്തില്ല,വായിക്കാനറിയില്ല,അനുസരണയില്ല,വൃത്തിയില്ല ,
നന്നായിപെരുമാറാനറിയില്ല,ബുദ്ധിയില്ല,ക്ലാസ് ശ്ര ദ്ധിക്കില്ല,തുടങ്ങി നൂറുകൂട്ടംപരാതികള്‍ ഇക്കൂട്ടര്‍ പറയും. ഈ കുട്ടികള്‍ ഇല്ലായിരുന്നെങ്കില്‍
തങ്ങളുടെ തസ്തികകാണില്ലായിരുന്നുവെന്നകാര്യം സൗകര്യപൂര്‍വ്വം വിസ്മരിക്കും.ഇവരുടെ മക്കളെക്കുറിച്ച് അന്വേഷിക്കുമ്പോഴാണ് ഈ പരാതികളുടെ അന്ത;സത്ത മനസ്സിലാകുന്നത്‌.സ്വന്തം സ്കൂളില്‍ തങ്ങളുടെ കുട്ടിയെ പഠിപ്പിക്കാതെ സര്‍ക്കാരിന്റെ ശമ്പളം വാങ്ങി ,ഇടയലേഖനങ്ങളുടെയുംആള്‍ ദൈവങ്ങളുടെയുംവര്‍ഗീയ ഫാസിസ്ടുകളുടെയും സ്വകാര്യസ്കൂളുലളില്‍ മൂവായിരവും നാലായിരവും ഫീസ് കൊടുത്തുപഠിപ്പിക്കുകയാണ്.സാധാരണ ജീവിതപരിസരത്തുനിന്നുവരുന്ന നിരക്ഷരനായ ഒരു കര്‍ഷകന്റെ ,നിര്‍മ്മാണ തൊഴിലാളിയുടെ കുട്ടിയെ ഉള്ളുതുറന്നു സ്നേഹിക്കുവാനോ ക്ഷമയോടെ പാഠങ്ങള്‍ പറഞ്ഞുകൊടുത്ത് അവന് ആത്മവിശ്വാസം പകര്‍ന്നു അവന്‍റെ കഴിവിനെ പരിപോഷിപ്പിക്കാന്‍ ടി വിവരിച്ച കൂട്ടര്‍ക്ക് പിന്നെ എങ്ങനെ തോന്നും. ഇത്തരക്കാരെ പരസ്യമായി വിചാരണ ചെയ്ത് ജനമധ്യത്ത് കൊണ്ടുവരുവാന്‍ നമുക്ക് മറ്റൊരു പ്രവേശനോല്‍സവം കൂടി താമസിയാതെ നടത്തേണ്ടിവരും.
ഇതിത്തിരി ചെയ്ത്തായി പ്പോയി
ReplyDelete