നീ കരയാതെ .....

നീ കരയാതെ .....(കവിത)

എന്‍റെ കണ്ണുനീര്‍ മരിച്ചവന്‍റെ വിയര്‍പ്പാണ്.

വലിയ തടാകങ്ങളിലും നദികളിലും കുളങ്ങളിലും

ജലമെത്തുന്നതുപോലെ എന്‍റെ കണ്ണുകളിലേക്ക്

എവിടെനിന്നാണ് അത് എത്തുന്നത് എന്നറിയില്ല.

നീന്തിമറിയാന്‍ കണ്ണീര്‍ക്കടലുള്ളവര്‍ ഭാഗ്യവാന്‍മാര്‍.

ഉള്ളുറവകള്‍ വരണ്ടുപോയാല്‍ എന്തുചെയ്യും.

എങ്ങനെ ദു:ഖം പ്രകടിപ്പിക്കും.

എങ്ങനെ കണ്ണീര്‍വാര്‍ക്കും.

ആര്‍ക്കും അറിയാത്ത ദു:ഖത്തിന്‍റെ ഭാഷ

ഏതു കണ്ണിലാണ് എഴുതപ്പെട്ടത്?

നീ കരയാതെ.

എനിക്കറിയാം എന്‍റെ കണ്ണീരിലുണ്ട്

ഈ ലോകത്തിന്‍റെ വേദന മുഴുവനും .

നീ കരയാതെ....................